Bygdeguiding for buss i Hjartdalsbygda og Svartdal

Bygdesentralen og Eldhusprosjektet kan no tilby guiding for turistbussar i Hjartdal og Svartdal etter avtale.

Guidinga startar ved Bygdesentralen i Hjartdal eller ved Nutheim i Flatdal.

Det er fylgjande 2 alternativ for guiding:

Rute 1 - varighet 1 time - Pris kr 1.000

Start ved Bygdesentralen i Hjartdal. Stutt orientering om Hjartdal og hjartdøler. Viktige ting på gang i bygda. Stutt stopp ved Hjartdal Mølle. Orienterig frå bussen om mølledrift, sagbruk og stampe i Egderudfossen. Stopp ved Hjartdal kyrkje. Orientering om kulturlandskap, kyrkja, bondeopprøret i 1540 og den årlege slåttefestivalen. Køyrer øvre bygdeveg - byggeskikk, landbruk, nye bygdenæringar, utsikt over bygda. Køyrer forbi Århus bru - orientering om Århusfossen, stamp og badstoge, segn om tussebrua og Risvollsteinen. Køyrer forbi freda stoge på Sisjord. Køyrer privat veg gjennom freda tun på Sud-Åbø. Gjennom Åbø-grenda, forbi bogelia og blodåker og ned til E134. Gjennom Ambjørndalen - histore om landevegsrøvarar og drap.

Orietering om Svartdal - kulturlandskap, kjente botaniske og geologiske særeigenhetar, historie. Svingar av mot Nørsteteig 6 km. Orientering om busetting på solsida, Blika Gullgruver, Skardsvegen og husmannsplassane langs denne, presten Landstad, drapet på Midt-Svartdal og segnet om svartdalsenka.

Køyre til snuplass ved øvste busettinga på Nørsteteig, orientering om Lien Fjellgard - om tilbod og vertskap. Køyrer tilbake til E134 mot Nutheim. Utsikt over Flatdal frå Åsegrenda. Orientering om bygda, busetting, landsbyen,  kunstnarmiljøet på Nutheim og tilboda på Uppigard Natadal. Stopp og avsluttning ved Nutheim.

-         Denne ruta kan køyrast motsatt veg. Det er moglegheit for stopp og mat/kaffepause undervegs i samarbeid med Nutheim, Uppigard Natadal, Lien Fjellgard - og for mindre bussgrupper også i Grillhytta i Århusfossen og gamlestoga på Sud Hovland i Hjartdal.

Rute 2 - varighet 40 min. - pris kr 800

Start ved Bygdesentralen i Hjartdal. Stutt orientering om Hjartdal og hjartdøler. Viktige ting på gang i bygda. Stutt stopp ved Hjartdal Mølle. Orienterig frå bussen om mølledrift, sagbruk og stampe i Egderudfossen. Stopp ved Hjartdal kyrkje. Orientering om kulturlandskap, kyrkja, bondeopprøret i 1540 og den årlege slåttefestivalen. Køyrer privat veg gjennom freda tun på Sud-Åbø. Gjennom Åbø-grenda, forbi bogelia og blodåker og ned til E134. Gjennom Ambjørndalen - histore om landevegsrøvarar og drap.

Orietering om Svartdal - kulturlandskap, kjente botaniske og geologiske særeigenhetar, historie. Svingar av mot Nørsteteig 6 km. Orientering om busetting på solsida, Blika Gullgruver, Skardsvegen og husmannsplassane langs denne, presten Landstad, segnet om svartdalsenka, orientering om Lien Fjellgard - om tilbod og vertskap. Køyre til snuplass ved øvste busettinga på Nørsteteig, Køyrer tilbake til E134 . Stopp og avsluttning i Brekkakrysset.

-  Ruta kan køyrast motsatt veg. Stopp for mat/kaffe kan avtalast i samarbeid med Lien               

Fjellgard - og for mindre bussgrupper også i Grillhytta i Århusfossen og gamlestoga  på Sud Hovland i Hjartdal.

                                               -------  0   ------        

Guiding kan etter nærare avtale tilpassast både med rute og tema. Tinging av bygdeguiding kan gjerast til Bygdesentralen  tlf. 35024868 eller Eldhusprosjektet tlf. 35023367 el. 35023368.                                                          

[ Hjartdalsbygda ]

Send e-post til webmaster@hjartdalsbygda.no med spørsmål om eller kommentarar til dette Web-området.
Copyright © 2003 Hjartdalsbygda
Sist endret: 06 oktober 2009